梁靜茹~2009演唱會

去年聽到她會在紅館開CONCERT真係開心到不得了,所以優先訂票時候已經晨咁早打去訂飛!

點知...$500的飛居然只是坐14行而已....太過份!!! >~< (仲要訂飛加多$20 charge)

唔知係咪期望太高呢...所以覺得今次的演唱會無預期咁好睇...即係..有d悶同覺得有d"行",即係學茄華好話"無咩感動位!!" 係啦..佢實唔會唱得差,保持水準咁..但係就無咩驚喜!! 可能同期望有關吧!? 就像之前睇jolin咁..估唔到佢跳舞之餘仲玩埋雜技..呵呵! 我明白..唔同的..大家的歌路唔同嘛!

但係今次梁靜茹最慘敗的係d衫!!真係唔知邊個"冼"佢..著埋d花花,毛毛咁...你估twins咩!最大膽有套全身都係粉紅玫瑰花,然後襯對紅色靴...真係陰公..!!

而我地最慘敗就係坐係一堆疑似台灣女fans前面....總之..梁靜茹唱咩佢地唱咩..梁靜茹唱幾多佢地就唱幾多..仲要係用大聲高唱!!! 我明..鍾意佢就梗係情緒好high啦...但係我就真係淨聽到首首歌都係佢地同梁靜茹合唱咁囉!!! v_v"

而我最慘敗係..當有一part梁靜茹唱廣東歌時,她唱左beyond首情人..我隔離好sweet的情侶的男生居然問佢女伴"呢首咩歌呀???" "beyond囉!!" OH..MY..GOD...佢居然唔知BEYOND呢首"情人"..OH..SHIT!!!! "可能人地係90年代的人咪唔知囉!!" "唔係化..BEYOND都唔識..痴線!!"

我才不會相信我們已經脫節了..................................

相片在茄華好相機..待她給我之後就POST上來看看衣服吧!!哈哈