港男~講女

港女七宗罪
~ 名牌奴
~ 物質主義
~ 奉旨男士付錢
~ 擇偶條件高
~ 自拍扮可愛
~ 地獄式減肥

之前miss左呢個咁精彩的節目,同事send左條link比我睇...勁好睇..之後仲有港女講男tim!^.^
第1同第2行所謂的罪名..咩男仔無咩..佢地咪一樣要追求名牌手錶,波鞋,牛仔褲,手機,遊戲機一大堆啦..比佢地揀啦?送架車比佢,問佢要toyota定audi? 邊個唔鍾意靚0既野!?邊個唔物質主義呢!? 呢個世界有無人唔鍾意錢,我絕對唔介意接收佢的錢ga!! 有得揀就係揀靚d好d啦啦!? 奉旨男士付錢,我覺得又唔係喎..我覺得個別啦..就算平時男仔全付錢的話,女仔都會有送禮物比男仔的時候0既.我眼見人地係咁ga!^.^ 擇偶條件高,都係果句啦!邊個唔鍾意好野先,男同女都想揀件正ga la,唔好話有d人吃不到葡萄是酸的,比人拒絕左就話人地眼角高,要怪就怪自己無咁0既本事!!我自問就無本事勾引到劉德華啦!(我揀劉華一定有人話我呢!嘻嘻)自拍扮可愛,自拍偶爾跟朋友都會的,但係扮可愛..我無喎..我一定無..因為我已經過左可愛的年紀了!地獄式減肥..我覺得唔一定地獄式..減肥係一場長期的戰爭嚟ga,話明長期..梗係總會有休戰的時候的!目的都係想自己靚d,靚d心情就好d,就易d結交朋友啦!我自問唔係一個以貌取人的人,但係人都係重感官的動物嚟嘛,個樣"四正"d,做野都醒神d,賞心悅目d啦!段估你唔會鍾意個頭髮"淋",滿面污垢,物體發臭的人0卦!!

都係果句..純粹是個人意見,如果係你鍾意的人,你唔應該同佢計較咁多..!所以..你愛嘛!?咁你就唔好同我計啦!