熱爆團第二天~杭州 to 蘇州(ii)

呢家叫吳地人家..算係個樣唔錯咁!!

呢個團主打係5粒星星的酒店,講真酒店的確係唔錯的,好鬼大,有晒廳咁...但可惜冷氣超唔夠囉,室溫真係得25-26度.....熱很死!! 就係因為要住呢d所謂5星星的酒店,所以個行程真係好hei囉....

熱爆團第二天~杭州 to 蘇州(i)

一大早就帶我帶我地去買900忟斤的茶葉啦!就只有買野..買完茶葉再買火腿..再嚟就買菊花,講開呢個菊花,我地自己公司人籌期買左罐番公司(RMB70),因為我地想儘快逃離現場就只好買一罐咁囉!

女俠知道呢個時候大陸一定係好熱,加上之前爸爸媽媽去完廈門番嚟已經話我知勁晒,所以呢個旅程我係以去泰國的裝束做準備的..我全程都係著"淫賤拖"(人字拖)喎!著拖鞋真係好舒服GA.

點知..第一天就話我知去呢個蘇州博物館要著鞋囉..我邊度有鞋呀..女俠心唸咁多人搏大霧囉..

我第2天早上已經同左領隊講過我無鞋喎,佢都無理我喎!!

點知去到果度,已經有班死鬼佬係度紮晒馬咁同D"食蕉"係度對峙,為咩?就係著拖鞋呢件事囉..係呀..我係鬼妹嚟嘛..哈..所以我都著拖鞋囉. 心知不妙自己都調頭走GA LA..好彩有同事妹妹陪,唸住係外圍影下相啦..因為我覺得蘇州係靚過杭州,蘇州的建築物就古城D囉! 豈料...影左一陣就比同事趙小姐高呼招我地番去..因為佢搵到個會幫到我的導遊.帶左我地買左對"龜"鞋(呢..著到個人好笨七果D呢)好啦..好辛苦咁入左去..才發現睇的係"爛銅爛鐵"囉!唯一好處係有冷氣嘆..但著實這個博物館把鬼.....激死! 聽同事講番個導遊仲寸我 "宜家去旅行好多人都會帶2對鞋!!" 好彩我同事話"我朋友係帶2對鞋,但係帶2對都係拖鞋咋嘛!" "你地行程都無寫話要帶拖鞋囉!淨係叫我地帶傘咋嘛!"

所以呢...呢個導遊真係把很.....!!! >~<

熱爆團第一天~杭州

"我唸呢個旅程會比你講一世"...哈哈..係喎..話左比我講嘛..梗係唔好野啦...好彩老闆唔去咋..唔係..我唸我會喊tim....一落機我地已經唔好彩ga la..有個同事因為體溫偏高,所以比大陸關口抓左佢入醫院隔離並做test...今次我先知道原來忍尿會令到體溫偏高的..不過我同事唔係忍尿..佢係個人本身就係.....一落機就落大雨啦...落完仲要又焗又污糟..簡直透唔到氣..帶我地去參觀唔知邊個的舊居喎,0華..一滴風都無,係間屋裡面焗桑拿咁..個人簡直係標油..唔係流汗! 之後就遊西湖..個天黑忟忟..d水又黑忟忟咁...我唔識欣賞. 係呢個過程..我地起碼比人老點左粒幾鐘咁行行行...之後再比人坤遊多半個小時花園...我心裡所有**XZY已經開始默唸出嚟.....真係好嬲! 咩團嚟GA..

食完飯..上到車我已經覺得個身發臭,真係好想快D番酒店沖涼...點知個導遊話要我地落15分鐘車去夜遊西湖睇隻牛喎....真係R晒頭..夜媽媽睇到D咩呀? "我唔去得唔得呀!我唔落車呀!" 呢頭講完個司機就熄匙無晒冷氣囉..即係迫你落車啦! 冚家剷~~

到頭來去到..有人"邊度呀?有牛咩!" "睇唔到0既!?!?" 真係不知所謂....

最慶係咩呀...最慶唔係咩都睇唔到, 最慶係...我地番上車時,我地只需行過對面馬路就係頭先落車的地方, 即係佢又帶我地兜大圈囉!!!!!! >~<

$$$$$$$$$$$$$

金 錢 真 係 萬 惡.................