雖然好鬼老土個名,但係事發後女俠就已經唸到呢個名~命中註定...哇卡卡^~^ 女俠平時去旅行真係好少買旅遊保,好像去台灣咁...我從來都無買過旅遊保ga..一來唔記得,二來會唸..都係幾日0者.. ^~^就在3月20日出發前的3月18日女俠居然打左比agent的哥哥叫佢幫我買份旅遊保(係喎!到宜家我都仲未比錢佢呢!!) 直到3月19日哥哥打嚟叫我check mail. 亦因為那2天特別忙,又要上堂又要出外,所以都忘記了....直到3月20日早上醒來忽然間記起要check mail(仲擔心check唔check到,因為一直以來家裡的internet都去唔到gmail)出奇地居然去到gmail,最神奇係女俠居然記低左自己policy no.同埋蘇黎世的熱線喎! (好邪!!..點解平時唔會做的野一次過會做仲做得咁足0既!?)
結果...我梗係衰左啦! 第一日就衰左啦! 第一日的旁晚我就比人踩住左隻腳然後界爛左個袋拎走左我個裝錢的包包. 第1天兌錢~hk$4,000. 真係stolen all money!! >~< 真係荒晒...係荒唔見左錢之後果幾日點算! 果度唔係香港,唔係禁機就會有,而且我身上無提可以提款的提款咭. 真係OH MY GOD.果一刻我淨係知道要打去cut信用咭,再打去蘇黎世備案,其他就.........就只有茄華好幫我去call police,講比人聽個賊仔係點樣,因為真係太黑,所以我睇唔到果個人個樣. 最奇怪係忽然有一班自稱係警察(我唸佢係便衣0卦!)擁埋嚟問左我地幾句野,然後比左一個地址茄華好就消失左啦!! 果地址係咩!? 就係警察局的地址, 佢叫我地自行去報案喎!! (講真如果無買保險,我唸我都唔會去報案,因為個賊都捉唔到ga la) 坐篤篤都坐左15-20分鐘先到果間所謂的police station(茄華好叫佢做"鄉工所"^~^)呢間野又偏僻又簡陋...裡面沒有一個人懂得回應我們(因為佢地沒有一個懂英文!)最後他們指向一個全局最年青的警察...叫我地去搵佢囉! 呢個boy係度食緊蝦條,佢遞左一張表格比我地然後講左3個字 " before,now,after" "................咩呀..即係咩呀!?寫咩!" "即係叫我地寫番成件事的前同後!?" "OH MY GOD!" 當時驚魂未定,都不知從何說起,最重要係..我地真係一D都溝通唔到...係我地好努力寫b4,now,after的同時,果個年青人又同我地講d唔係好明的英文,我地又講左d佢唔明的英文...手腳並用後..都係搞唔清..心情簡直悲喜交集....最後終於比我地唸到個超勁方法,就係叫佢起身,我地坐佢個位上網(在我們之前,他應該在吃蝦條和上網!)我地搵google的語言翻譯,用英文translate泰文比佢睇(呢個工具簡直係妙極..^.^)當時年青人見到之後仲爆左一句"oh very cool!"(我唔知有無聽錯佢講呢句應該係英文嚟0卦!)...搞左一輪...我簡直覺得心情輕鬆唔少... 成件事我地都覺得真係好荒謬........
最後我地得出的結論係 ~ 我地要學好外語~泰文.
