浮生路 Revolutionary Road

女俠睇完呢套戲之後..第一個感覺就梗係歲月催人啦...當年0既呀jack同rose同宜家0既frank同april!差好遠! 第二係..現實真係好殘酷,現實就係咁荒謬,現實係可以血肉模糊到咁...除此之外,我又無再唸得太深.
後來..係網上見到有些人的影評...解釋得好深入

~認為天下人都好想去尋找自己的理想生活,卻被現實壓下來,但到有機會時,其實發覺根本就沒有那種勇氣,到頭來都是作繭自縛而已! (~某個討論區)

~婚姻是戀愛的墳墓，更是理想的焚化爐，有了家庭很多事情都不能回頭，做得出漠視對伴侶的忠誠，也做不出放棄子女的福祉。而所謂理想只不過是一廂情願的以為自己與別不同，到頭來卻發現自己無能為力，革命路原來只是一條死胡同。不只April and Frank有這個問題，他們的鄰居也一樣，只是他們連說出感受的勇氣也沒有。 他們都安於現狀，隱藏自己的喜惡，最悲哀的是能夠廝守終生的夫妻可能都是這樣子。看完這部電影得出的結論是：最好還是不要結婚。因為終有一天你會發現最愛的都是自己，婚姻容不下個人主義。(~某人的blog)

~令我最深刻的，是一種雙重空虛的感覺：先是安逸生活帶來的空虛，於是決心逃離，但事實上這種沒有方向、不知所以的逃離，又是另一種空虛。勵志電影裏常見劇情是主角自知有某一方面的才華，可是礙於總總因素被埋沒，經歷一番苦幹才能成功。但現實是，我們原來連自己的都不太清楚自己，即使努力也是沒有方向，橫衝直撞。自我早已被消磨殆盡，而最可悲的是我們不察覺。我想起黃子華在《拾下拾下》談到有關「潛能」一段1：

李小龍曾經講過：「一個人的責任在於忠實地發展潛能，完成自我。」

做番自己，完成自我，你就要忠實咁發展你o既潛能。
明白？無難度丫嘛？
好難其實，要忠實咁發展你o既潛能，係非常難。
特別一講到忠實，我就必須要忠實咁承認：其實我係無乜潛能。
OK，我係有D潛能，但係潛能的定義就係潛，我潛到好深，都唔知有無。

唔會，人人都一定有潛能，所謂「天生我才必有用」。
喂，一定有o既潛能就唔叫潛能啦，就叫浮能，或者蒲能啦！
睇到晒啦。天生我才必有用喎，呢句話邊個講架？
李白丫嘛，佢緊係可以咁講啦!
因為佢D唔係潛能，佢D直情叫做特異功能，
佢唔單止天生我才必有用，佢天生我才畀D你用都得。

而我地一般人，所謂潛能，你就真係要潛落去搵下自己有無才能，
潛就未必有，唔潛就一定無。
潛能同尋寶係好似，所以有人讚你好有潛能，即係讚你好有尋寶，
無乜值得高興，因為你未必尋到。

好啦，當你去潛，你發現你o個隻潛能係唔搵錢o既，咁你算係潛能定無能？
你以為你發展緊你的潛能，其實係發展緊你的無能。
係呀，我近來好掂呀，我操得好fit，
我知我將來好唔掂呀，係唔掂o個方面我而家好掂呀!

你忠實咁發展你的潛能，完成自我，但係你完成唔到你層樓o既按揭呀。
咁你為o左供滿層樓你點呀？按o左個自我o羅。 (~某人的blog)

呢套戲係值得睇ga~~