熱爆團第三天~上海(南京路,新天地)

唔知點解睇每次電視劇睇呢個搭,都係好浪漫咁做緊d感情橋段! 但當佢就係你面前時,我一d都感覺唔到浪漫,淨係覺得好污糟同好熱...哼..難得我地咁多個仲可以擺咁多pose影相.....>v<

行呢條所謂的南京路(購物的地方),從頭先個搭果度搭一個類似無人駕駛的車從地下過對面.之後行左10分鐘去到地面,導遊話因為塞車喎,所以旅遊車過唔到嚟接我地,所以就引領大家行路去南京路行街喎!佢話好近咋...果然好近..行左15分鐘就到左一條好長的大街.據知果度就係南京路的頭,但係導遊無因此而停落嚟..佢繼續行,話要搵一個等陣集合的地方再講時間等等...所以佢繼續行...繼續行...行左20分鐘之後 (10+15+20=45分鐘..仲未計之前係金融中心行過去黃埔灘同埋落去搭該死的地下車果段路喎!加加埋埋已經行左成粒鐘囉,未坐過,地下車都係企係度搭ga!仲有呢日的天氣有33度以上....) 行到老連咁耐佢先停低然後解散,比我地行2個鐘咁多的街!! 個個都行到隻狗咁啦..仲要行多2粒鐘...真係仆街死囉!一解散..大家即刻搵地方坐低,係搵一個有冷氣的地方...個身又開始發臭... 這真是一個該死的旅行團!!!!!!!!!!!!!!!!!!

中午時份在4百幾米高的金融中心,同事趙小姐問過導遊一件事. "我地今晚會唔會去睇黃埔灘夜景ga?" 導遊"會的..我地係車上面會經過,到時會見到" "下..係車上面隔住塊玻璃睇呀?..可以係黃埔灘影相ga?" 導遊 "因為果邊夜晚好塞車ga,所以唔比停車,如果唔係會比警察趕ga!!" "下..咁你都比我地落下車影幾張相都好..嚟到唔影相唔得喎!" "咁..睇下啦..如果到時無人趕..又唔塞車..儘量啦!" (我已經即刻同趙小姐講..佢咪hei你囉!! 咩都唔準唔比唔得)呢個導遊真係把...........................鬼!

呵呵..唔知係咪比趙小姐講一講,所以佢夜晚真係比我地落車影相囉..哈哈哈.
"呢d先係人去的地方嘛!" "早鬼知4日去晒上海啦!" "咩蘇州杭州..side晒d時間!" 呢晚女俠同幾個同事去左上海的新天地...感覺番晒嚟!?咩感覺..就係實在的感覺囉,生活緊的感覺囉!聽趙小姐講其實呢個新天地(旅遊書寫佢係潮人之選,酒吧集中地)已經算舊ga la..好多新興的地方已經掘起...所以..我覺得上海係可以值得自由行一次的.